One week ago. Right after Ashley left.
"Tyrian, Lyserian. Dito lang kayo. Bantayan niyong dalawa sina Via at Wisteria. Huwag kayong aalis ng bahay. Hintayin niyo akong makauwi. May pupuntahan lang ako saglit." Nagmamadaling kinuha ni Anita ang cardigan niya.
"Okay po, Mom." Halos sabay na sabi ng kambal niya.
Hinalikan niya ang pisngi ng mga ito bago isinukbit sa balikat niya ang kulay violet niyang sling bag.
"Ingat, Mom," sabi ni Tyrian. Sinundan siya ng mga ito hanggang sa gate ng kanilang bahay.
"Take care, Mom!" sabi naman ni Lyserian. "I-text mo po kami kapag papauwi ka na. Sasalubungin ka namin."
"Okay, anak!" Pinara niya ang unang taxi na makita niya. Hanggang sa bago siya makasakay doon ay nagbibilin pa rin siya. "May pagkain sa ref. Kumain kayo nina Via at Wisteria kapag n
