"Mommy!" Ipiniksi ni Via ang kamay nito kaya naman nabitawan iyon ni Anita.
"Via!" sigaw ni Anita.
Hinabol ng bata ang umaandar nang owner, halos madapa-dapa ito. Maging ang popsicle nito, nabitawan na nito at tumapon sa kalsada. Humabol din naman si Anita sa bata. "Via, halika na."
"Mommy Ash!" Patuloy sa pagbagsak ang luha nito. "Huwag mo kong iwan!"
Durog na durog ang puso ni Ashley dahil doon. Hindi niya kaya. Hindi niya kaya na basta iwan na lamang nang ganoon si Via.
"Tori, saglit lang. Itigil mo muna." Agad namang itinigil ni Tori ang owner sa gilid ng kalsada.
Nagmamadali siyang bumaba mula doon at tinakbo si Via na umiiyak pa rin. Nagmamalibis din ang luha sa kaniyang mga mata. Wala man siyang karapatan sa batang iyon sa mata ng batas, alam naman niya sa puso niya na anak n
