Halos matanggal ang buhok ni Veron mula sa anit nito sa higpit ng pagkakahawak ni Ashley roon. Parang doon niya nailabas ang lahat ng galit niya. She's never violent. Ni minsan, ni sa isip, hindi niya naisip na makasakit ng ibang tao. Ngunit iba ang kaso ngayon. Kung pwede lang niyang gawin ang lahat nang bagay na maaaring makasakit kay Veron, ginawa na niya.
"Bitawan mo ako!" Napasigaw na ang babae dahil inginudngod niya ang mukha nito sa mesa. "Tulungan niyo ako! Nababaliw na ang babaeng ito!" Ngunit hindi siya tumigil. Mas inginudngod pa niya ang mukha nito roon at halos maipit na ang pisngi nito sa mesa.
Hindi siya nakaramdam ni katiting na awa sa sunud-sunod na pagsigaw ng babae. Awa? Hindi iyon dapat binibigay sa mga kagaya ni Veron.
"Tulong?" May diin niyang sabi. Mas humigpit p
