Dahil isang tao lamang ang maaring dumalaw sa ICU, nagpapalitan sila sa pagdalaw kay Oliver. At halos dalawang linggo matapos iyon, nailipat na ang binata sa isang pribadong kuwarto. Halos doon na sila natutulog ni Via gabi-gabi. Umuuwi lamang siya kapag nangangailangan na sila ng pamalit na damit. Ngayong araw ang saktong ika-isang buwan magmula nang maoperahan ang binata, ngunit hanggang sa ngayon, wala pa rin itong malay.
Nalaman na niya mula kay Anita ang lahat ng nangyari habang nasa barrio siya. Apparently, dalawang araw matapos daw ma-retrieve ng mga ito ang cellphone ng binata, nagawang matunton ng kapulisan ang manager ni Veron. May nag-tip daw sa mga ito dahil sa ipinatong ni Enrique na pabuya sa kung sinuman ang makapagtuturo ng lokasyon ng mga sangkot sa nangyari. They had pla
