Hindi mapakali si Ashley. Hindi niya namalayan na nginangatngat na pala niya ang kuko niya habang mag-isang nakaupo sa sofa. Kauuwi lamang niya mula sa plaza, at hindi pa rin niya malimutan ang sinabi sa kaniya ni Tori.
"Para ka namang buntis niyan."
Tinawanan niya ang sinabi nito, kahit ang totoo, bumilis ang kabog ng dibdib niya. Hindi kasi malabong mangyari ang sinabi nito. "Hindi ba pwedeng sumama lang ang sikmura? May mabaho kasing amoy doon sa may tindahan. Bumaliktad tuloy ang tiyan ko. Ang init pati, siksikan pa kanina."
Napatingin si Tori sa tindahan bago tumingin muli sa kaniya. Nginitian siya ng kaibigan bago binigyan ng tapik ang isa niyang balikat. "Binibiro lang kita, kinabahan ka naman diyan." Tumayo na ito at inilahad ang palad sa kaniya. "Ano? Kaya mo na bang tumayo? Ba
