"Ashley! Dito!"
Lumaki ang ngiti sa labi ni Ashley nang makita si Tori. Nakaangat ang isang kamay nito sa ere at kinakawayan siya. Agad naman siyang lumapit at naghatak ng upuan sa tabi nito.
"Kanina ka pa?" Tanong niya.
"Saan mo ipinarada iyong si Mirabela mo?" Ang tinutukoy niya ay ang owner nito.
"Diyan lang sa harapan o. At oo, kanina pa ako rito. Ang tagal-tagal mo. Akala ko nag-Filipiniana ka pa." Reklamo sa kaniya ni Tori.
"Sorry, sinigurado ko lang na wala akong naiwan na trabaho sa bahay. Saka, ipinagluto ko na rin kasi ng tanghalian yung mag-ama." Ipinatong niya ang maliit niyang sling bag sa ibabaw ng mga hita niya.
"Mag-ama mo?"
Agad na nangainit ang magkabilang pisngi niya dahil sa tudyo na iyon ni Tori. Tinaas-baba pa nito ang kilay nito para mas asarin siya.
Hinamp
