Isang oras bago ako binalikan ng apat na babae.
“Princess, kukunin na namin ang mga naihanda mo. Ayos na ang—” natigilan si Flor sa mga nakita. "Princess, ano ang mga iyan?" nangunot ang kanyang noo sa ‘kin.
"Nilagang itlog," turo ko sa isang malaking pinggan, "Binalatan ko na rin 'yan!" itinuro ko ang isa pa, "Iyan, tortang itlog na may giniling, dinurog ko rin 'yong isang gulay na hindi ko alam kung ano kaya medyo kulay green siya," ngiting-ngiti ako, very proud sa sarili ko, "At iyan naman, pasta na binuhusan ko ng sauce na gawa sa dinurog na kamatis, dinurog ko naman iyong ilang nilagang itlog para ilagay sa ibabaw, may nakita rin akong cheese kaya tinadtad ko at inilagay ko sa ibabaw."
"Hindi ka nagbibiro, princess?"tila may pandidiri sa kanilang mga hitsura.
"Sige, pakidala na
