Naramdaman ni Siana ang tensiyon dahil hindi kumikibo ang Emperador. Mukhang hindi talaga magandang lumapit pa siya kay Prince Guild.
Nakatayo na sila sa entablado kung nasaan ang likuran ng trono.
“Gusto kong sabihin na si Siana ng 12th palace ay maninirahan na sa kastilyo bilang asawa ko. At sa gabing ito ay gaganapan namin ang ritual ng pag-iisang dibdib.” Wika ng Emperador.
Marami pa ring nabigla kahit na alam naman nilang mag-asawa kami ng Emperador. Ito na kasi iyong patunay at sumpaan na pareho na kaming nasa wastong edad.
May iniabot na kopita sa ‘kin ang isang babaeng tagasilbi, kulay silver iyon habang ginto naman ang sa Emperador.
Nagsimulang magsalita ang nagsilbing tagapamuno ng sumpaan, isa siyang malaking lalaking nakasuot ng kulay na puting-puti. Hawak niya ang isang b
