Maagang bumangon si Gia kinabukasan kahit pa halos hindi naman siya nakatulog sa nagdaang gabi matapos magdala ng babae ni Samir sa condo nito. Ang totoo'y nasaktan siya. Ilang ulit siyang inangkin ng binata noong nasa isla sila at hindi naman siya bayarang babae. Kahit wala naman itong ipinangako sa kanya kahit pa pabalat-bunga lang, hindi niya inaasahan na hindi man lang ito magpapaalam sa kanya na iuuwi nito doon ang girlfriend nito.
Ang mas masakit ay ang ipakilala siya bilang katulong.
Kunsabagay, sino nga ba siya? Hindi naman sila magkaibigan. At malamang na hindi papayag ang babaeng 'yun na patirahin siya doon ni Samir kung hindi naman sila magkamag-anak. Kung karapatan lang ang pag-uusapan ay mas may karapatan ang girlfriend nito, kaya siguro mas ginusto ni Samir na ipakila
