Pagdating ng hapon ay tinawagan ni Samir si Gia sa telepono nito na isasabay niya ito sa pag-uwi. Hindi niya gustong ihatid na naman ito ng Joshua na 'yun na halatang may gusto kay Gia. Kanina ay nakita niya ang dalawa sa cafeteria habang naghihintay ng pagkain sa waiting area. Nakaalalay ang kamay ni Joshua sa likod ni Gia na gusto niyang awatin. Tumalikod na lang siya sa halip at lumayo sa lugar na iyon. Sa huli ay mag-isa siyang kumain sa labas.
Alas singko pa lang nang bumaba siya sa ika-limang palapag kung saan nakadestino si Gia. Nakaupo sa gilid ng mesa niya si Joshua na ikinainit na naman ng ulo niya. Sa maghapon yata ay nakatanghod lang kay Gia ang isang empleyado niyang ito na gusto na niyang sisantehin.
"Gia." Tumikhim siya pagkatapos para mag-alis ng bara sa lalamunan
