Nakita ni Gia na may ibinulong si Samir sa anak bago ito isinakay sa kotse. Umiiwas ng tingin ang asawa sa kanya at hindi niya alam kung paano ito kakausapin. Nang bumaba ang dalawa sa tapat ng gate ng school ni Jaime ay muling niyakap ni Samir ng mahigpit ang anak.
"Ako na lang ba ang susundo kay Jaime mamaya?" alanganin niyang tanong kay Samir nang paandarin nitong muli ang sasakyan.
"Yes. Nasa opisina na ang kotse mo. Babalik ako sa BLFC pagkahatid ko sa 'yo sa Prestige," wika nito nang hindi lumilingon sa kanya. Hindi siya sanay na makita si Samir na puno ng lungkot ang mukha. Mas gusto niyang makita itong masaya, pilyo, o kahit pa galit. Mas kaya niyang pakibagayan.
"I'm sorry sa mga nasabi ko kahapon, Samir," paghingi niya ng paumahin.
Napalingon ito sa kanya pero agad d
