Habang nagluluto ng breakfast si Gia ay bigla na lang yumakap si Samir sa kanya mula sa likod. Alas singko y media pa lang ng umaga at hindi niya inaasahan na magigising ito nang maaga lalo na't halos ala una na ito nakatulog kagabi. Habang kumakain sila ng pizza ay nag-movie marathon pa sila na nakatulugan na niya. Naramdaman na lang niyang inilapag siya nito sa kama at doon pinatulog.
"Masyado pang maaga..." bulong nito sa tainga niya.
"Maglilinis pa 'ko sandali ng bahay dahil hindi ako nakapaglinis kahapon," dahilan niya.
"Hindi naman marumi. You are my girl now, not my maid."
"Magpapakatamad na 'ko, ganun ba?" Humiwalay siya kay Samir saka kumuha ng dalawang tasa sa kitchen cupboard para gumawa ng kape. Umupo si Samir sa silya at pinagmasdan ang mga kilos niya.
"Hindi ka b
