Pumasok sa opisina ni Gia si Art pagkalabas ni Samir. Puno pa rin ang galit sa mga mata ng binata.
"Napag-isipan mo na ba ang alok ko?" agad nitong tanong saka ini-lock ang pinto.
"Hindi ko gustong gumawa ng anumang hakbang na ikapapahamak ng anak ko, Art."
"Kaya ka kinakayanan ng lalaking 'yun ay dahil hindi mo s'ya nilalabanan, Gia. Ipakita mo na hindi ka natatakot sa kanya. I told you, I will help you find a good lawyer."
"Ano ang laban natin? Bukod sa pera at koneksyon na marami siya, alam nating pareho na hindi siya papayag na matalo sa kaso, Art. At kapag nagpatuloy tayo sa relasyon natin, mawawala sa akin ang anak ko."
"Sa loob ba ng anim na taon hindi s'ya nagkaroon ng babae? Paano kung may iba din s'yang anak bukod kay Jaime? Kailangan nating malaman ang mga ginawa niya sa lo
