Kumukulo ang kalamnan ko sa inis dahil kay Dean. Hindi ko lubos maisip na makailang beses akong nagkainteres sa lalaking gaya niya noon. Hindi pa talaga ako nadala kay Terrence, first boyfriend ko, at Anthony, kuya ni Migz. Tama si PJ sa sinabi niya noon sa akin. It’s really dangerous to be associated with bad boys because in the long run, they will only bring you trouble.
“Nasaan?” tanong ko kay Dean kahit alam kong posibleng niloloko lang niya ako tungkol sa CCTV videos. Pero hindi naman siguro masamang umasa lalo na’t malaking bagay sa akin ito. Kumbaga'y kung lotto ito ay siguradong tataya ako kahit na suntok sa buwan ang manalo.
“Nasa ‘kin,” mayabang niyang tugon. Kahit kailan ay napakaere talaga niya.
“Then give it to me.” Inilahad ko ang palad ko sa kanyang harapan na awtomatiko
