Chapter 45
Nabalitaan ko na kinasal na si Caroline sa huwes. Medyo nagtampo ako aaminin ko dahil huli ko ng nalaman sa kanya ang balita na dapat ay ako ang unang nakakaalam. Pero gayun pa man ay masaya pa rin ako dahil nagtagumpay kami sa mga plano naming dalawa. Nagtagumpay kami at ngayon ay mayaman na kami at magkakaanak narin kaming sa wakas.
May usapan kami ngayon na magkikita kami, dalawang araw matapos ang kasal nila ni Christian. Nasa apartment niya siya para mag-impake ng mga gamit niya. Ayon sa kanya ay pinag-resign na siya ni Christian sa trabaho niya at nais na lang ng huli na sa bahay nila sa Tagaytay na lang siya manatili dahil narin sa kondisyon niya. Pabor sa akin ang ginawang yun ni Christian dahil tuwing weekend lang daw uuwi ang lalaki dahil narin sa trabaho nito sa May
