“Dito ka nakatira?” ani Kegan habang tinitingala ang pagkataas-taas na Condominium. “Mas mayaman ka pa pala kaysa sa akin!”
Natawa si Dayana sa narinig. Hapon na kaya hinatid na siya ni Kegan pauwi, tatanggihan niya sana ito nang maalalang hindi niya sigurado kung paano siya makakauwi na siya lang mag-isa.
“Ang totoo niyan nakikitira lang ako sa kaibigan ko…”
“Oh…”
Tangkang babalik na si Kegan sa kotse nang, “uh, gusto mong pumasok muna? Gusto ko kasing magpasalamat sa paghatid mo sa akin.”
Hindi nagdalawang-isip si Kegan at tinanggap ang paanyaya.
Nang marating nila ang ikapitong palapag at binagtas ang daan patungo sa 704, kumatok si Dayana ng dalawang beses bago maalalang nasa trabaho nga pala si Zinc kaya malabong mabubuksan ang condo ngunit nang hihingi na siya ng paumanhin sa b
