NAPAUPO si Yoomi habang pinapanood ang balita sa telebisyon. May isinagawang operasyon ang kapulisan ng Maynila kung saan talamak ang pasugalan na may kasamang bentahan ng droga.
Nang madaanan ng camera ang mukha ng ilan sa mga nadampot na nagsusugal habang gumagamit ng droga, nakita niya si Xander bago nito takpan ng bimpo ang mukha nito.
Bumilis ang t***k ng puso niya. Hindi siya puwedeng magkamali. Kapatid niya ang isa sa mga makukulong. Pumatak bigla ang mga luha niya.
Hindi niya alam kung ano’ng mararamdaman. Malungkot siya dahil sa pagkasira ng buhay ni Xander, pero sa kabilang banda, nakaramdam din siya ng tuwa na sa wakas ay pagbabayaran na ng kuya niya ang mga kasalanan nito. Baka kapag nasa kulungan na ito, makita na nito ang mga naging pagkakamali nito at magsisi na ito.
Hin
