Acutus' POV
"Mahal na Regina, ipinatatawag n'yo raw po ako?" sabi ng isang kawal na kasalukuyang nakaluhod sa kaniyang harapan.
"Si Inxs, hindi pa ba siya nagbabalik?" tanong niya rito.
"Hindi pa po," tugon naman nito.
"Ipagbigay alam mo kaagad sa akin sa oras na magbalik siya. Kailangan ko siyang makausap." Pinadaanan niya ng suklay ang kaniyang buhok at inilapag ito sa lamesa kapagkuwan.
"Masusunod po."
Kaagad na lumabas ang kawal sa loob ng aming silid at halata naman sa itsura ni Nitidus ang labis na pagkainis.
"Acutus, dumito ka muna. May pupuntahan lang ako sa labas ng palasyo." Tumayo ito mula sa pagkakaupo sa bakanteng upuan sa loob ng silid. "Huwag mong susubukan na tumakas."
"Sinabi ko na sa iyo na mananatili ako rito."
"Mabuti kung ganoon." Dire-diretso itong naglakad p
