TAURUS
“I CAN’T BELIEVE it, Mrs. Fernando. Pumatol ka ng kasing-edad ng anak mo? At sa kaibigan pa talaga nito?” sabi ni Mom.
Nandito kami ngayon sa presinto at tinawagan ko si Mom para humingi ng tulong. Kasama ko rito sina Tito Romualdo na ang tumatayong ama ni Aries, Tita Matilda, Aries, at si Mom. Kinakausap kami ng pulis ngayon dahil sa insidente na nangyari. Pero wala akong ganang makinig dahil ang tingin ko ay nakapokus lang kay Aries. Hindi pa rin ako makapaniwala na nagawa niya ang bagay na iyon. Wala naman akong problema kung magkagusto siya sa may edad na dahil hindi naman batayan iyon sa pag-ibig. Ang hindi ko matanggap, sa ina pa ng kaibigan namin.
“Métete en tus asuntos,” sagot ni Tita Matilda.
Napatingin naman ako sa mukha ni Mom. Habang tinitingnan siya, nagpipigil ako
