TAURUS
NANG PAPALAPIT AKO kina Aries at Tita Matilda, hindi ko mapigilang mapakuyom ang mga kamay ko. Labis lang ang galit ko sa puso ko dahil sa ginawa nila. Hindi man lang nila inisip ang mga taong masasaktan nila. Habang nagpapakasaya sila, may mga taong nasasaktan. Nandiyan na ang matalik kong kaibigan at masakit para sa akin na makita iyon. Mahal ko ang kaibigan ko kaya apektado ako sa nangyari rito. May karapatan naman akong magalit dahil ang taong dawit sa isyung ito ay bahagi ng buhay ko. Una si Aries, hindi ako sang-ayon sa pag-ibig na pinasok niya. Ang gusto kong gawin ay ipamukha sa kanya na mali ang ginawa niya. Pangalawa si Rius, nasasaktan ito dahil nasira ang pamilya nito. Ang nais kong mangyari, maayos ito. Sana nga mangyari ang mga gusto ko. Para lang naman sa kanila iton
