AQUARIUS
PAGPASOK KO MULI sa kuwarto, nakangiti at tulala si Rius habang nakatitig sa kisame. Alam ko, na sa sandaling ito ay hindi siya makapaniwala na nagawa namin iyon muli. Sa totoo lang, ang sarap sa pakiramdam na makita siyang masaya dahil naibigay ko sa kanya ang isang bagay na gustong-gusto niya. Mabuti na lang din ay nakayanan kong humingi ng payo sa ina ko. May punto rin naman kasi siya sa sinabi niya sa akin. Magsasama rin naman kami ni Rius pagkatapos namin ng kolehiyo.
“Pakisara ng bibig, Rai,” nakangiti kong sabi.
Bumuntonghininga siya at bumangon. Tiningnan niya ako. “Salamat, A.”
“Satisfied ba ang mahal ko?” tanong ko habang hindi mapigilan na mamula ang mga pisngi ko.
Hinawakan niya ang dibdib niya at ngumiti nang malapad. “I love you.”
“Mas mahal kita.” Lumapit ak
