ARIES
MADALING-ARAW na at kasalukuyang nasa coma pa rin ang mahal kong kaibigan. Ako ang nag-boluntaryong magbantay sa kanya para may katuwang sa pag-aasikaso sina Tito at Tita. Gusto ko rin makabawi sa kanya. Kahit napatawad na ako ng magulang niya, para sa akin, hindi iyon sapat. Bilang isa sa pinakamatalik niyang kaibigan, dapat nandito ako para paglingkuran siya. Alam ko na ganoon din naman ang gagawin niya kung ako itong nasa kalagayan niya.
Nasa tabi niya lang ako sa sandaling ito. Gusto ko man matulog, hindi rin ako dinapuan ng antok. Habang nag-iisip ng gagawin, napatingin ako sa pinto nang bumukas ito. Segundo ang lumipas, iniluwa roon si Tito. May bitbit itong itim na tray na may lamang pagkain.
“Kumain ka muna, Aries,”sabi ni Tito. Kung kanina, galit sa akin si Tito, ngayon,
