TAURUS
“TAMA NA IYAN!” Pagpigil sa akin ni Kuya V. Inagaw niya sa akin ang bote ng alak.
Nandito kami ni Kuya V sa kuwarto ko. Sinamahan niya akong uminom dahil iyon ang hiling ko. Ewan ko ba, naisipan ko lang uminom. Gusto ko lang magpakalasing. Hindi ko maitatanggi na ito iyong magandang oras para gawin ko ito.
“Kung ikaw si Aqua, Kuya, sino ang pipiliin mo? Ako o si Rius?” tanong ko. Muli kong inagaw sa kanya ang bote at ininom ito. Nauuhaw pa ako.
“Syempre si Rius,” sagot ni Kuya V.
“Edi wow.”
Humagulgol ako sa pag-iyak. Ewan ko ba! Nasasaktan na ako. Hindi ako mapakali rito sa bahay. Hindi ko alam kung saan dinala ni Rius si Aqua. Nahihiya rin akong tanungin ito dahil una sa lahat, wala akong karapatan dito. May sarili itong desisyon sa buhay at kaibigan lang ako. At ang kasam
