Three months ago...
“A kind of unusual Calli. Isang magandang bungad sa unang araw ng Abril.”
Agad naman akong napalingon sa may pinto ng aking kuwarto matapos kong marinig ang boses ni Mama.
“Ma?” usal ko sabay balik ng tingin sa malaking salamin sa aking harapan. “Pauso ka naman agad sa April fools.”
Tumawa naman siya.
“Trabaho ba ang pupuntahan mo o isang date?” mapang-asar na tanong niya.
“Sino iyan at nang mabigyan ng isang malakas-lakas na suntok? Matagal na rin akong hindi nakakasuntok.”
Muling pumaling ang ulo ko sa mag-asawang sabay pang nang-aasar sa akin. Nakita ko si Papa na katabi na si Mama habang nakatayo sa may pinto ng aking kuwarto.
Bakasyon si Papa ng isang buwan dito at sa isang araw ay babalik na naman siya sa Saudi para magtrabaho.
“Ano ka ba naman, Marcus? K
