“Sinabi niya na pupunta rito ang apo niya at kung may pagkakataon ay gusto niyang ligawan kita.”
“A-ano?” bulalas ko.
Nangunot ang noo ko dahil sa bilis ng bibig niya ay hindi ko agad makain ang lahat ng kaniyang sinabi.
“Aray...”
“Don’t move. I’m not finished yet,” saway niya habang marahan na binabalutan ng band-aid ang aking daliri.
“H-huwag kang makikinig kay Lola. Nagbibiro lang ‘yon,” sabi ko. “Matanda na si Lola. Ganoon talaga, mahilig magbiro.”
Ngumiti lang siya pagkatapos kong sabihin iyon. Hindi ko alam kung anong iniisip niya kaya hinintay ko na lamang siyang bitiwan ang aking kamay. Nang matapos nga siya ay hindi ko inasahan ang kaniyang sunod na sinabi.
“Will you marry me?”
Seryoso ang kaniyang mukha habang hawak ang kamay ko. Ilang segundo kaming nagkatitigan sa isa’
