Matapos kumain ni Visca at Demone ay sumakay na sila sa sasakyan. Kasalukuyan nang nagmamaneho si Demone, patungo na sila sa headquarters ng Inferno Gang. Hindi lang sila makakapunta agad dahil malayo ang Viner sa siyudad kung saan nandoon ang HQ ng bawat Gang. Nadaanan pa nila ang traffic kaya matatagalan pa sila.
“Kailan ka aamin?”
Tila nasamid si Demone kahit wala namang iniinom na tubig. Bahagya siyang napaubo at napahigpit ang paghawak niya sa manubela. “Anong pinagsasabi mo?” Pinandilitan siya ng mga mata.
“Chill ka lang, Demone. Para ka namang nakakita ng multo,” at tinapat ang dalawa niyang kamay na para bang pinapa-relax siya. “What I mean is ‘yong nararamdaman mo para kay Iza.”
Akala ni Demone ay mabubuking na siya, iyon pala ay tungkol sa ibang bagay. Napabuntong-hininga
