Kinabukasan paggising ko ay umalis na si Kuya. Mamaya pang 1 pm ang klase namin ni Alice. Pumunta na ako ng kusina at napangiti. May nakahain ng pagkain para sa almusal namin ni Alice. Ilang saglit pa ay napalingon ako kay Alice nang bumukas ang pinto at humikab siya.
“Good morning girl,” bati niya sa akin at kumakamot pa sa ulo niya at umupo sa tabi ko.
“Sarap ng tulog mo ah,” komento ko. Ngumisi naman siya.
“Sarap kasi ng panaginip ko eh. Akala ko talaga totoo na, pero paggising ko nasa tabi naman na kita,” busangot niyang sagot. Naguluhan naman ako.
“Ano ang ibig mong sabihin?” tanong ko sa kaniya. Ininom niya ang gatas na tinimpla ko at kinikilig akong tinitigan.
“Kasi girl, sa panaginip ko lumabas daw ako ng kuwarto kanina tapos nakita ko kayo ni, Gideon diyan mismo sa couch
