*****
Pagkatapos nang pag-uusap nila ni Caiden ay lumabas na siya sa kuwartong iyon. Bagaman hindi pa rin malinaw sa kanya ang huli nitong sinabi ay hindi na niya ito tinanong pa. Napakasuplado kasi nito at kung hindi lang siya nito kilala ay pagkakamalan niya itong ibang tao, ibang-iba ang ugali nito ng nasa ilalim sila ng karagatan.
Paglabas niya ay wala siyang nadatnan sa sala, inisip na lang niya na baka nagpapahinga na si Selena. Nagpunta siya sa kusina upang kumuha ng tubig na iinumin, babalik na sana siya sa kanyang kuwarto nang makarinig nang tila nagtatampisaw sa tubig. Napalingon siya sa pintong naroon, lumapit siya at dahan-dahang pinihit iyon.
Tumambad sa kanya ang isang swimming pool na maihahalintulad na sa isang olympic pool ang laki. Awtomatiko namang humakbang ang mga p
