Pasado alas-otso na ng umaga buhat ng makarating si Cameron sa kaniyang kompanya. Sa paglalakad ng binata halos lahat ng empleyado niya ay natatakot na tumingin sa kaniya, lalo na't nababakas sa mukha niya ang matinding kaseryosohan na mas lalong ikinakaba ng mga ito. Bagamat nababakas ang matinding kaseryosohan sa mukha ni Cameron, hindi pa rin maipagkakaila na may lungkot na namumutawi sa kaniyang mata, lalo na't hindi pa rin makalimutan ng binata ang senaryong nakita niya kani-kanina lang. Ang senaryong kahit minsan ay hindi niya naisip na mangyayari sa kaniya. Kung kaya't pakiramdam ng binata ay para bang wala nang saysay pa ang kaniyang buhay, sapagkat may ibang lalaki na ang nagpapasaya kay Alexandra. Isang malalim na buntong-hininga na lamang ang pinakawalan ni Cameron nang muli siy
