Maaga pa lamang ay nagmamadali nang magmaneho si Cameron patungo sa kaniyang kompanya, sapagkat may panibago siyang investor na siyang ikinatuwa ng binata. Sa dalawang taon na nakalipas buong pusong tinanggap ni Cameron ang kaniyang pagkakamali kay Alexandra, sapagkat masyado siyang nagpabulag sa mga taong inabuso ang kaniyang kabaitan. Nawalay man sa kaniya ang dalaga hindi maipagkakaila ni Cameron sa kaniyang sarili na mahal na mahal pa rin niya si Alexandra. Kahit na may ilang babae ang nagbigay motibo sa kaniya binabalewala lamang ito ni Cameron, sapagkat si Alexandra lamang ang tanging laman ng kaniyang puso. Bukod dito, ginawa niya rin ang lahat upang mahanap si Alexandra ngunit palagi lamang siyang nabibigo, sapagkat hindi pa rin niya makita ang dalaga. Ganoon pa man, ginawa ni Came
