Matapos ang meeting ni Alexandra sa CEO ng Clarke Empire, naiinis na nilisan ng dalaga ang lugar, sapagkat hindi pa rin niya makalimutan ang lalaking lapastangan na bigla na lamang yumakap sa kaniya. Kung kaya’t hindi mawala-wala sa mukha ng dalaga ang inis na kaniyang nararamdaman sa binata, lalo na’t pakiramdam niya ay masyado itong presko na mas lalo pa niyang ikinainis. Isama mo pa rito ang pag-akto ng binata sa harapan niya na para bang matagal na silang magkakilalang dalawa, kahit na ang totoo ay hindi naman kilala ni Alexandra si Cameron. Ang totoo, walang balak na bumalik sa Pilipinas ang dalaga ngunit masyadong mapilit si Train kaya walang nagawa si Alexandra kundi ang sumama sa lalaking nagligtas ng buhay niya. Saktong kabubukas pa lamang ng elevator na sinakyan niya nang bigla n
