“Nasaan si Mommy?” malakas na tanong ko habang naglalakad palapit sa kapatid ko na nakatayo sa dulo ng mahabang hallway ng simbahan habang nakasunod si Thunder na tahimik lamang. Nagpalinga-linga ako sa paligid at kahit saan ako tumingin ay wala akong makitang bakas na binurol si Mommy dito.
Pagka-text sa akin ni MJ ng address nitong simbahan ay agad kaming bumyahe ni Thunder. Wala kaming ideya na iniuwi pal ani MJ si Mommy pagkagaling sa funeral parlor kaya ginabi na kami ng dating. Naipit pa kami sa traffic dahil sa banggaan sa may expressway.
Huminga ako ng malalim at tumigil sa paglalakad nang nasa harapan na ako ni MJ. Seryoso ang mga tingin nito sa akin habang nakahalukipkip. Walang emosyon ang mga mata niya kaya hindi ko mahulaan kung ano ang iniisip niya.
“Nasaan si M
