Malalim na ang gabi ngunit dilat na dilat pa rin ang mga mata ni Felissa. Malalim na ang gabi ngunit buhay na buhay pa rin ang diwa nito.
Higit sa lahat, malalim ang iniisip ng businesswoman.
Tahimik na ang payapang gabi. Makikita sa terrace ng kuwarto nila ni Trace ang magandang bilog na hugis ng buwan sa kalangitan at ang napakaraming napakagandang mga bituin. Lalo ay malamig ang simoy ng hangin. Sa lakas din ng ihip nito ay nagsasayawan ang mga dahon sa puno. Maririnig din ang tunog ng mga kuliglig.
Habang nakahiga nang nakatagilid si Felissa ay para bang nalunod na ito sa sobrang lalim ng iniisip. Tulala habang naglalakbay ang diwa at animo’y wala sa sarili.
“It doesn’t make sense...”
Bumaling sa kabilang banda si Felissa at muling napaisip. Kahit ano ang gawin niya, hindi niy
