[MANDY]
"Baka naman hindi talaga siya si Dark," sabi sa akin ni Rodney nang makabalik na kami sa cottage namin. Kanina pa kami nag-uusap at nakwento ko na ang mga nangyari habang nawawala siya doon sa mini-forest. Ang sabi niya kasi, nawala raw siya doon nang may mapansin siya sa mga puno. May nakita raw kasi siyang tao na naglalakad doon sa masukal na part ng gubat kaya sinundan niya ito sa pag-aakalang isa kina Dark iyon. Tapos hindi na raw niya matandaan ang daan pabalik sa kung nasaan ako kanina. Akala niya nga raw ay namatanda na siya.
"Nakita mo rin siya kanina, Rodney," sagot ko naman sa kanya. "Nakita mo na sobrang magkamukha nila. At hindi lang sa mukha, talagang buong pagkatao niya. Englishero rin at parang laking mayaman? Tapos anak siya ng may-ari kuno ng resort na 'to? Hindi
