MATAAS na ang sikat ng araw nang muli akong magising, akala ko ay nasa trabaho na si Attorney at hindi niya na lang ako ginising dahil wala na siya sa aking tabi. Matagal akong nakabalik sa pagtulog kanina dala ng napakaraming iniisip, hindi ko nga namalayan kung paano ako nakatulog muli.
Minabuti ko munang maligo matapos kong bumangon, bagaman pakiramdam ko’y pagod na pagod na ako kahit umaga pa lang, pinilit ko ang sarili ko dahil may trabaho akong kailangan tapusin, nakakahiya naman sa kliyente ko. Pagkatapos kong maligo ay agad akong nagbihis ng malinis na damit na nasa closet ni Attorney tyaka ako lumabas ng kwarto, bumaba, at pumunta sa kusina. Hindi ko inaasahan na madadatnan ko si Attorney sa kusina, nasa counter kaharap ng kaniyang laptop habang umiinom ng kape.
Tila naramdaman
