Ang huling naganap sa nakalipas na kabanata…
Nakita ni Dianne na napaluha si Ulga matapos nitong makausap ang ina sa cellphone. Doon niya nalaman na may tumor sa utak ang kapatid ni Ulga kaya ganoon na lamang ang pagkabahala nito. Kahit hindi tuwirang nagsasabi si Ulga, ramdam ni Dianne na may mabigat itong pinapasan. Sa kabila ng sariling panganib, pinili ni Dianne na kausapin at unawain si Ulga.
Sa pagpapatuloy…
“ Ganyan ka ba talaga?” mariin at may halong inis na tanong ni Ulga habang nakatitig kay Dianne. “ Kahit na nagawan ka na ng masama ng ibang tao, iniisip mo pa rin ang sitwasyon nila? Hindi ka ba marunong magalit?”
Tahimik na tiningnan ni Dianne si Ulga. Hindi siya agad sumagot. Pinagmasdan niya ang mukha ng babae—ang mga matang puno ng pagod, takot, at pangamba. Sa likod ng
