Gaya ng sabi ni Dianne, sinuot nga ng kanyang ina ang pulang bestida. Paglabas nito ay may kasama na si Dianne na dalawang tao—isang babae at isang lalaki. Ang lalaki ay may hawak na video recorder. Ipinaliwanag ni Dianne sa kanyang ina na ang dalawang iyon ay mula sa Senior Citizen Organization na kukuha raw ng video ng lahat ng Huwarang Ina participants. Kukunan daw sila ng video habang naglalakad mula sa bahay papuntang plaza. Agad namang naniwala ang kanyang ina.
Habang naglalakad, sinamahan ni Dianne ang kanyang ina sa kahabaan ng kalsada. Abala rin ang lalaking kumukuha ng video sa kanila. Nagulat at napakunot-noo ang kanyang ina nang may lumapit na tatlong ale—mga suki nito sa binibenta niyang isda, mga taga-roon din sa kanilang baryo at kasama ng kanyang ina sa senior citizen comm
