February 14 ng araw na iyon.
Araw ng mga puso—ngunit sa halip na saya, lungkot ang bumalot sa dibdib ni Dianne. Tahimik siyang nakaupo sa gilid ng kama, hawak ang cellphone, nakatitig sa petsang malinaw na nakasulat sa screen. Valentine’s Day.
Dati, ang araw na ito ang pinaka-inaabangan niya.
Naalala niya ang mga nakaraang taon—kung paano siya patagong sinusorpresa ni DJ. Minsan may bulaklak sa likod ng pinto, minsan may handwritten note sa dashboard ng sasakyan, minsan simpleng hapunan lang pero puno ng lambing. Hindi engrande, ngunit ramdam. Palaging ramdam.
Ngunit kahapon… at ngayong araw—wala.
Napabuntong-hininga si Dianne at bahagyang ipinikit ang mga mata. Hindi niya maiwasang maalala ang Pasko. Ang gabing muling lumuhod si DJ sa harap niya at nag-proposed ng second wedding—isan
