Bago pa ito tuluyang bumagsak sa akin ay naramdaman kong may tumulak sa akin. Sa lakas ng pwersa ay nagpagulong-gulong kami sa sahig. Nang tumigil na ay napa-ubo ako nang sunod-sunod at tinignan ko ang lumigtas sa akin. Noong una ay inakala kong si Basil ito dahil parehas sila ng lapad ng dibdib at postura ng katawan. Ngunit, nang mapagtanto kong naka mask ang lalaki, natatakpan ang buong mukha, ay ibang tao pala ang kaharap ko.
“S-sino ka?”
Hindi nagsalita ang lalaki. Sa halip ay tinulungan niya akong makatayo ng maayos. Walang kibo niya akong kinaladkad papalapit kila Jax. Nahuli kong naningkit ang mga mata ni Jax, nagtataka kung sino ang kasama ko.
“Who the heck are you?”
Hindi kumibo ang lalaki na hawak ang kamay ko. Sa halip ay binitawan niya ako at siya ang bumuhat kay Laina. N
