Iniliko ni Jagie ang kanyang sasakyan sa isang madamong at liblib na lugar. Inilibot ni Jagie ang kanyang paningin sa paligid at napangiti siya. Tahimik ang lugar na iyon at napapalibutan ng mga nagtataasang puno at mga damo sa paligid, kaya naman sigurado siyang walang makakarinig sa kanila sakaling magising at sumigaw ang mga babaeng bihag niya. Kinuha niya ang kanyang dalang knapsack at mula doon ay inilabas niya ang mga lubid. Itinali niya ang mga kamay at paa ng tatlong babae na ngayon ay wala pa ring malay.
Pinagmasdan niya ang tatlong babae na nakasandal sa sandigan ng upuan ng kanyang kotse. Hindi mapagkakailang magaganda ang mga ito. Sa katunayan, mapagkakamalan mong mayayaman dahil sa kinis ng kanilang mga kutis. Batay rin sa itsura ng tatlo ay mahahalataang mga bata pa ang mga
