Nang ilahad sa akin ni Vito ang kaniyang kamay ay bahagyang kumunot ang noo ko.
“Bakit mo inilalahad sa akin ang iyong kamay?”
Tumingin siya sa kaniyang kamay at napangiti.
“Hindi ba ito ang paraan ng mga tao para makipagkilala? At sabi ng aking ina ay matagal ka raw na nanirahan sa mundong madalas naming pasyalan. Kaya heto.”
Humakbang siya sa akin palapit at maayos na inilahad sa aking harapan ang kaniyang kamay. Nakangiting tinanggap ko naman iyon.
“Vito!”
Sabay kaming napalingon ni Vito sa lalaking tumawag sa kaniya. Nang makita ko si Ino na nakatayo sa hindi kalayuan ay agad akong napangiti. Napakaguwapo niya sa kaniyang suot. Mas bagay talaga sa kaniya na wala siyang pakpak.
“Ayos lang ba ang hitsura ko?” tanong ko sa kaniya nang makalapit siya sa akin.
Nakangiting tuma
