“Huwag mong maliitin si Ino, malakas siya at isa siya sa pinakamagigiting na Mulawin dito sa Avila.” pagpapaalala ni Ilah.
“Oo nga, Kierra. Kahit si Alex ay hindi kaya ang lakas niya.” dagdag pa ni Raven.
Bumaling ako kay Alex dahil naghihintay ako sa kaniyang kasagutan pero mukhang may malalim siyang iniisip kaya hinayaan ko muna siya sa isang tabi. Humugot ako ng malalim na hininga saka ipinokus na lamang ang aking isipan sa mangyayaring laban sa pagitan ng mga taong nakatakdang lumaban sa akin ngayong araw. Iyon ay walang iba kundi si Ino at si Avira.
“Hindi ba ay isang Ravena si Avira?” tanong ko habang inaasikaso ko ang aking sarili. Nagsusuot ako ng panyapak na kan'ilang ginagamit tuwing makikipaglaban.
“Oo, isang Ravena si Avira. Pero may dugo din siyang diyosa dahil ang kaniy
