“Teka sandali!” sigaw ko sa kaniya.
Dahil patuloy siya sa paglalakad papasok sa malawak na kagubatan ay wala akong ibang magawa kundi habulin siya. Ayaw ko namang maiwan mag-isa roon sa tabing ilog. Mamaya may kung ano pang uri ng mga nilalang ang biglang lumapit sa akin. Hindi ko alam kung nasaang lugar kami. Hindi ko alam kung sakop pa ba ito ng Avila. Alam kong malayo ito sa tirahan ng mga Mulawin kaya kinakabahan ako.
“Dinala mo ba ako rito para parusahan? O para iwan mo? Teka sandali lang.”
Patuloy lang ako sa paghabol sa kaniya. Habang patagal nang patagal ay pabilis din siya nang pabilis sa paglalakad. Dinaig niya pa ang tumatakbong kabayo sa sobrang bilis habang ako heto, hingal na hingal habang naglalakad.
“Ino!” malakas na tawag ko sa kaniya.
Hindi ko na talaga kinaya. N
