“Sigurado ka ba talagang ayos ka lang?”
Bumaling ako kay Ilah at tumango sa kaniya. Narito silang tatlo sa aking kuwarto ngayon sa Altasosasyon. Dahil mga kaibigan ko sila ay pinayagan sila ng aking Lolo na makapasok dito, basta may kasama silang mga kawal na Mulawin na magbabantay sa kanilang kilos at galaw. Bago pa man sumikat ang araw kanina ay ginising na ako ni Ino at sinabing kailangan na naming bumalik sa Avila. At dahil mabilis siyang lumipad, madali lang kaming nakabalik sa b****a. Nang makita kami ng mga kawal ay agad kaming nilapitan ng mga ito at tinulungan kami na makarating sa aming kaniya-kaniyang silid.
“Sigurado ka ba? Bakit hindi ka nagsasalita? May ginawa ba sa iyo si Ino?”
Agad naman akong umiling nang marinig ko ang tanong ni Raven. Natahimik naman silang tatlo h
