Sa totoo lang, hindi ko maintindihan kung bakit ganoon ang naging pakikitungo sa akin ni Ino. Naguguluhan ako. Pakiramsam ko ay mayroon akong pagkakamali pero hindi ko mawari kung ano dahil hindi niya naman sinabi sa akin. Kanina, bigla nalang siyang lumayo, samantalang gusto ko lang naman hawakan at pahirin ang dugo sa kaniyang pisngi.
At sa ngayon, hindi ko rin maintindihan ang puso ko. Nasasaktan ako. Pakiramdam ko sa simpleng pag-iwas niya sa akin, ay tinalikuran niya na rin ako.
“Kierra, bakit ka nandito?!” gulat na tanong ni Ilah sa akin habang nagmamadali itong tumakbo.
Bagsak ang aking balikat na lumapit sa kaniya.
“Umiwas sa akin si Ino.”
Pakiramdam ko ay maiiyak na ako kaya tumingala ako para pigilan ang pagtulo ng aking luha.
“Sa tingin mo kaya ay may kinalaman iyon sa
