"TIGILAN mo ang pagkahumaling sa lalaking 'yan. Iiwan ka rin niyan kagaya ng Daddy mo!"
Napangiwi si Cielo nang pagsabihan siya ng Mommy niya habang kumakain. Nalaman nito ang balita na kasali si Rocco sa mga tinaguriang "International Playboy" kaya naman mas lumala pa ang downvote nito sa lalaki.
"Seryoso ako, Cielo. 'Wag kang gagaya sa akin. Ayaw kong pareho tayong masaktan. Lalo na sa panahon na ito,"
Napakamot si Cielo. "Si Mommy talaga..."
"Ay naku! Ganyan rin ang Daddy mo noon! Basta anak, hindi talaga ako boto sa lalaking 'yan. Hindi mo mababago ang isip ko. Once a playboy, always a playboy. Once a cheater, always a repeater..."
Napabuntong-hininga si Cielo. Inintindi na lang niya ang ina kaya hindi na rin siya nagsalita. Pero sa isip niya ay parang ayaw niya na maniwala sa sin
