Sa isang malamlam na silid sa basement, nagtipon ang lahat ng department heads ng kilalang drug syndicate sa bansa. Mababang ilaw at halos mapuno ang silid ng makakapal na usok galing sa nakasinding mga sigarilyo.
Nakaupo siya sa dulo ng mahabang mesa, walang kibo, at pinaglalaruan lamang ang ballpen sa ibabaw ng mesa. Halatang naiinip na siya at nais na niyang magpahinga dahil alas dos na ng madaling araw. Tumingin siya sa bakanteng upuan sa tabi niya na nakalaan para sa kanyang kaibigan.
"Absent again, huh..." Bulong niya sa sarili.
Sa unahan ng silid, may lalaki na nakatayo habang hawak ang isang clipboard. Mula sa kanyang kinauupuan ay halata ang panginginig nito. Ito ang tagapag-ulat ng mga naganap na transaksyon sa buong buwan. Hindi pa katapusan ng buwan kaya nagtataka siya sa b
