Malungkot na bumalik ng kwarto niya si Roxanne. Tapos na ang breakfast room, ano na naman ang pagkakaabalahan ko?
Naisip niyang magsimula na magtawag ng mga real estate agents at mag-shopping. Kung may trabaho lang sana ako hindi ako mabo-bored.
Naalala pa ni Roxanne noong nasa law firm pa siya ni Drake, kinakailangan niyang pumasok sa opisina araw-araw. Gusto niyang magliwaliw pero hindi niya magawa dahil sa trabaho. Pero ngayon, trabaho naman ang inaasam-asam niya.
Nang umagang ʼyon muli siyang pumunta sa mall at pumasok sa boutique na binilhan niya ng mga maternity dress nung nakaraang linggo lang. Nagtingin-tingin siya kung may bago siyang magugustuhan. Nag-fit siya ng ilang mga damit sa tulong ng sales personnel na nakakilala sa kanya. Bumili siya ng tatlong ternong damit at hindi
