Nanibago si Roxanne mag-shopping sa mall. May mga mall din naman sa Naga pero hindi kasing lawak ng Mall of Asia. Pumasok siya sa isang kid shop upang ihanap ng mga damit si Akie.
Isang tawag mula sa likuran ni Roxanne ang nakapagalingon sa kanya.
“Roxanne?”
Noong una ay hindi sigurado si Benson, ngunit nang humarap ay nakompirma nitong si Roxanne nga ang kanyang nakita na naglalakad bago pumasok sa kid shop kaya sinundan niya ito.
Bumilis ang pintig ng puso ni Roxanne nang mapagsino ang tumawag sa kanya. “B-benson. H-hi,” alanganing bati ni Roxanne.
“Kamusta ka na?” Halos hindi pa rin makapaniwala si Benson na si Roxanne ang kaharap niya.
Tinaas ni Roxanne ang balikat niya. “E-eto, a-ayos lang.”
“Nagkita na ba kayo ni Drake? Nagkausap?” tanong ni Benson.
Umiling si Roxanne
