MELO was burning hot.
Hindi niya sinabi sa mga kaibigan niya pero no'ng nasa Her Bingsu sila kanina, may ginawang kakaiba sa kanya si Dante. Hindi naman siya nito pinana gaya ng una niyang kinatakutang gawin nito. Pero ipinatong ng lalaki ang kamay nito sa rib cage niya kung saan nakatatak ang parusa nito sa kanya. Sa bilis ng kilos nito, wala siyang nagawa para itulak ito.
Bago pa niya ito masampal dahil sa ginawa nitong paghawak sa kanya ng walang permiso, nakaatras na ito at nakalabas ng store.
Hindi na rin niya ito nahabol dahil nakaramdam siya ng kakaibang pagod at panghihina. Hindi niya 'yon pinahalata dahil nagising na ang mga kaibigan niya no'n. Nag-aya na lang siyang umuwi para magamot na ang sugat ni Sori at makapagpahinga silang lahat.
"Melo, how are you feeling?" nag-aalala
